I omtalen min av konserten med Phronesis m/ storband på London Jazz Festival, kom eg i skade for å setja feil namn på storbandet. Rett namn er enten hr-Bigband (Big Band des Hessischen Rundfunk) eller The Frankfurt Radio Bigband. Bandet blei grunnlagt i 1946 som Tanzorchester von Radio Frankfurt.
Bandet er sett på som eit av dei leiande storbanda i verda, og den amerikanske pianisten Jim McNeely har vore sjefsdirigent sidan 2011. Sidan tusenårsskiftet har bandet gjeve ut i underkant av 30 plater.
P.t. har bandet følgjande besetning: Tony Lakatos, Heinz-Dieter Sauerborn, Oliver Leicht, Steffen Weber, Rainer Heute (saksofonar), Axel Schlosser, Martin Auer, Frank Wellert, Thomas Vogel (trompet/flygelhorn), Günter Bollmann, Christian Jaksjø, Peter Feil, Manfred Honetschläger (trombone), Peter Reiter (piano), Martin Scales (gitar), Thomas Heidepriem (bass) og Paul Höchstädter (trommer).
På nemnde konsert var berre Martin Scales frå rytmeseksjonen med.
Lars Mossefinn
